"27% இட ஒதுக்கீடு முறையாக பின்பற்றப்படவில்லை" - மக்களவையில் திமுக எம்.பி.டி.ஆர்.பாலு புகார்

மத்திய அரசு கல்வி நிறுவனங்களில் பிற்படுத்தப்பட்ட பிரிவினருக்கு 27 சதவீத இட ஒதுக்கீடு முறையாக பின்பற்றப்படுவதில்லை என திமுக எம்.பி டி.ஆர். பாலு புகார் தெரிவித்துள்ளார். மக்களவையில் பேசிய அவர், 2017 ஆம் ஆண்டு மாநிலங்கள், மத்திய தொகுப்புக்கு ஒதுக்கிய  9 ஆயிரத்து 966 மருத்துவ இடங்களில் 27 சதவீத ஒதுக்கீட்டின் படி பிற்படுத்தப்பட்ட பிரிவினருக்கு 2 ஆயிரத்து 689 இடங்கள் ஒதுக்கப்பட்டிருக்க வேண்டும் என்றார். ஆனால் 266 இடங்கள் மட்டுமே நிரப்பப்பட்டதாக அவர் குறிப்பிட்டார்.  அதேபோல 2018-2019 ஆண்டின்படி, மத்திய தொகுப்புக்கு மாநிலங்கள் ஒதுக்கிய மொத்த இடங்கள் 12 ஆயிரத்து 595 என்றார். ஆனால், 27 சதவீத இட ஒதுக்கீட்டின் படி பிற்படுத்தப்பட்ட பிரிவினருக்கு ஒதுக்கப்பட்டது 299 இடங்கள் மட்டுமே என அவர் தெரிவித்தார்.