அ.ம.மு.கவில் இருந்து விலகிய இன்பத்தமிழன் அ.தி.மு.க-வில் இணைந்தார்...

அம்மா மக்கள் முன்னேற்ற கழகத்தில் இருந்து விலகிய முன்னாள் அமைச்சர் இன்பத்தமிழன், முதலமைச்சர் எடப்பாடி பழனிசாமி, துணை முதலமைச்சர் பன்னீர்செல்வம் ஆகியோரை சந்தித்து அ.தி.மு.க-வில் இணைந்தார். சென்னை கிரீன்வேஸ் சாலையில் உள்ள முதலமைச்சர் இல்லத்தில் இந்த இணைப்பு நிகழ்ச்சி நடந்தது. பின்னர் பேட்டியளித்த முன்னாள் அமைச்சர் இன்பத்தமிழன், தென்மாவட்டங்களில் அ.ம.மு.க செல்வாக்கு இழந்துவிட்டதாக கூறினார். அந்த கட்சியில் நிலவும் ஜமீன் ஆட்சி முறையால், இன்னும் பலர், அ.ம.மு.கவில் இருந்து விலகி அ.தி.மு.க-வில் இணைவார்கள் என அவர் நம்பிக்கை தெரிவித்தார்.