சோனியாகாந்தி இன்று வேட்பு மனுதாக்கல்

ரேபரேலி மக்களவை தொகுதியில் போட்டியிடும் ஐக்கிய முற்போக்கு கூட்டணி தலைவர் சோனியா காந்தி இன்று வேட்பு மனு தாக்கல் செய்கிறார். இத்தொகுதியில் இருந்த சோனியா காந்தி கடந்த 2004, 2006 , 2009 , 2014 என நான்கு முறை போட்டியிட்டு வென்றுள்ளார். தற்போது ஐந்தாவது முறையாக அங்கு போட்டியிடுகிறார். காங்கிரஸ் அலுவலகம் வரும் சோனியா அங்கிருந்து பேரணியாக சென்று  மனுதாக்கல் செய்ய உள்ளதாக கூறப்படுகிறது. இதற்கான ஏற்பாடுகளை காங்கிரஸ் கட்சியினர் செய்து வருகின்றனர். ஐந்தாவது கட்டத்தில் நடைபெறும் தேர்தலில் சோனியாகாந்தியை எதிர்த்து, அண்மையில் இருந்து காங்கிரஸ் கட்சியில் இருந்து வெளியேறிய தினேஷ் பிரதாப் சிங் போட்டியிடுகிறார். ராகுல் காந்தி மற்றும் சோனியாகாந்தி போட்டியிடும் அமேதி, ரேபரேலியில், சமாஜ்வாதி, பகுஜன் சமாஜ் கூட்டணி வேட்பாளர்களை நிறுத்தவில்லை என்பது குறிப்பிடத்தக்கது.