தமிழகத்தில் வேலை இல்லா திண்டாட்டம் நிலவுகிறது - மு.க. ஸ்டாலின் குற்றச்சாட்டு

தமிழகத்தில் வேலை இல்லா திண்டாட்டம் நிலவுவதாக குற்றஞ்சாட்டி உள்ள திமுக தலைவர் மு.க. ஸ்டாலின், சுமார் ஒரு கோடி இளைஞர்கள் வேலை தேடி, காத்திருப்பதாக தெரிவித்துள்ளார். இதுதொடர்பாக வெளியிட்டுள்ள அறிக்கையில், சுமார் 4 லட்சம் பட்டதாரிகளும், சுமார் 3 லட்சம் முதுநிலை பட்டதாரிகளும் ஆசிரியர் வேலைக்காக காத்திருப்பதாகவும்  சுட்டிக்காட்டி உள்ளார். பிற மாநில முதலமைச்சர்கள் எல்லாம் தமிழகம் வந்து முதலீடு தேடுவதாகவும், ஆனால், தமிழகத்தில் உள்ள  தொழில் முனைவோர் எல்லாம் அண்டை மாநிலங்களை நோக்கி ஒடுவதாகவும் மு.க. ஸ்டாலின் தெரிவித்துள்ளார்.