"கட்டுப்படுத்தப்படாத எரிபொருள் விலை வீழ்ச்சிக்கே வித்திடும்" - ராமதாஸ்
பதிவு : ஆகஸ்ட் 30, 2018, 04:00 PM
கட்டுப்படுத்தப்படாத எரிபொருள் விலை வீழ்ச்சிக்கே வித்திடும் என்று பா.ம.க. நிறுவனர் ராமதாஸ் தெரிவித்துள்ளார்.
கட்டுப்படுத்தப்படாத எரிபொருள் விலை வீழ்ச்சிக்கே வித்திடும் என்று பா.ம.க. நிறுவனர் ராமதாஸ் தெரிவித்துள்ளார். இது தொடர்பாக அவர் வெளியிட்டுள்ள அறிக்கையில், பெட்ரோல், டீசல் விலை இதுவரை இல்லாத அளவு புதிய வரலாற்று உச்சத்தை தொட்டுள்ளதாகவும், இது வளர்ச்சிக்கான அறிகுறி அல்ல என்று ராமதாஸ் கூறியுள்ளார். கடந்த ஒருமாதத்தில் பெட்ரோல் விலை 2 ரூபாய் 15 காசுகளும், டீசல் விலை 2 ரூபாய் 33 காசுகளும் அதிகரித்துள்ளதாகவும், கடந்த காலங்களில் இந்த அளவுக்கு விலை உயர்த்தப்பட்டதில்லை என்றும் சுட்டிக்காட்டி உள்ளார். ஒட்டுமொத்த வரி வருவாயில் பெரும் பகுதியை எரிபொருள் விற்பனை வரி மூலம் மத்திய, மாநில அரசுகள் திரட்டத் துடிப்பது தான், ஏழை மற்றும் நடுத்தர மக்கள் மீது தாங்க முடியாத சுமையை சுமத்தியுள்ளது என்றும், இது குறித்து அரசுகள் கவலைப்படவில்லை என்றும் ராமதாஸ் குற்றம்சாட்டி உள்ளார்.

எரிபொருட்கள் மீதான வரி மூலம் மட்டும் ஆண்டுக்கு 3 புள்ளி 5 லட்சம் கோடி ரூபாய் மத்திய அரசுக்கு வருமானம் கிடைப்பதாகவும், இது பெரு நிறுவனங்களிடம் இருந்து வசூலிக்கப்படும் மறைமுக வரி மூலம் கிடைக்கும் வருவாயை விட அதிகம் என்றும் ராமதாஸ் சுட்டிக்காட்டி உள்ளார். ஒரு லிட்டர் பெட்ரோல் விற்பனை மூலம் தமிழக அரசுக்கு 27 ரூபாய் 84 பைசாவும், டீசல் விற்பனை மூலம் லிட்டருக்கு 18 ரூபாய் 50 பைசாவும் வருமானம் கிடைப்பதாக சுட்டிக்காட்டி உள்ளார். வரி வருவாய் என்ற குறுகியப் பார்வையில் பெட்ரோல், டீசல் விலையை உயர்த்துவதை தவிர்த்து பொருளாதார வளர்ச்சி சார்ந்த தொலைநோக்குப் பார்வையுடன் அணுக வேண்டும் என்றும், உடனடியாக வரிகளைக் குறைத்து பெட்ரோல், டீசல் விலைகள் குறைவதை உறுதி செய்ய வேண்டும் என்றும் ராமதாஸ் கேட்டுக் கொண்டுள்ளார்.

தொடர்புடைய செய்திகள்

தொடர்ந்து அதிகரித்து வரும் பெட்ரோல், டீசல் விலை

பெட்ரோல் டீசல் விலை இன்று கணிசமாக உயர்ந்துள்ளது.

31 views

பெட்ரோல், டீசல் விலை உயர்வால் பள்ளி ஆட்டோ, வேன் கட்டணம் உயர்வு

நாள்தோறும் தொடரும் பெட்ரோல், டீசல் விலை உயர்வால் ஆட்டோ மற்றும் பள்ளி வாகனங்களுக்கான கட்டணங்கள் வேகமாக உயர்ந்து வருகின்றன

142 views

பிற செய்திகள்

ரஜினியின் ஆதரவு தங்களுக்கு இருக்கும் என நம்புகிறேன் - கமல்

ரஜினியின் ஆதரவு தங்களுக்கு இருக்கும் என நம்புவதாக மக்கள் நீதி மய்யத்தின் தலைவர் கமல் நம்பிக்கை தெரிவித்துள்ளார்.

14 views

வரும் 24 முதல் விருப்பமனு விநியோகம் : மார்ச் 6ஆம் தேதி கடைசி நாள் - தே.மு.தி.க

நாடாளுமன்ற தேர்தலில் தேமுதிக சார்பாக போட்டியிட விரும்புவோர் வருகின்ற 24ஆம் தேதி முதல் தங்களுக்கான விருப்பமனுக்களை பெற்றுக்கொள்ளலாம் என்று அறிவிக்கப்பட்டுள்ளது.

33 views

மக்களவை தேர்தலை முன்னிட்டு, தமிழக தேர்தல் அதிகாரி தலைமையில் அனைத்து கட்சி கூட்டம்

மக்களவை தேர்தலை முன்னிட்டு, தமிழக தேர்தல் அதிகாரி தலைமையில் அனைத்து கட்சி கூட்டம் நடைபெற்று வருகிறது.

21 views

தமிழகத்திற்கு குடும்ப அரசியலை கொடுத்தது திருவாரூர் - கமல்ஹாசன்

தமிழகத்திற்கு திருவாரூர் கொடுத்த வாரிசு அரசியல் அகற்றப்பட வேண்டும் என மக்கள் நீதி மய்யம் கட்சி தலைவர் கமல்ஹாசன் பரபரப்பாக பேசியுள்ளார்.

21 views

"திமுக, காங். கூட்டணியை தோற்கடிப்போம்" - தமிழிசை சவுந்தரராஜன்

"40 தொகுதிகளில் பா.ஜ.க கூட்டணி வெற்றி பெற வேண்டும்" - தமிழிசை சவுந்தரராஜன்

30 views

தேமுதிக பொதுசெயலாளர் விஜயகாந்த் உடன் திமுக தலைவர் ஸ்டாலின் சந்திப்பு

சென்னை சாலிகிராமம் வீட்டில் தேமுதிக பொதுசெயலாளர் விஜயகாந்த் உடன் திமுக தலைவர் ஸ்டாலின் சந்திப்பு

183 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.