2004ம் ஆண்டு வாஜ்பாய் தினத்தந்திக்கு அளித்த பேட்டியில் தமிழக அரசியல் பற்றி அவர் அளித்த சுவாரஸ்ய பதில்கள்

*கடந்த 2004 ஆம் ஆண்டு மக்களவைத் தேர்தல் முடிந்து, முடிவுகளுக்காக காத்திருந்த நேரத்தில் அ.தி.மு.க. பா.ஜ.க. கூட்டணி மகத்தான வெற்றி பெறும் என வாஜ்பாய் தெரிவித்தார். 

* பா.ஜ.க. வெற்றி மட்டுமல்ல கூட்டணி கட்சிகளான அ.தி.மு.க. உள்ளிட்ட கட்சிகளையும் மக்கள் மகத்தான வெற்றி பெறச் செய்வார்கள் என வாஜ்பாய் நம்பிக்கை தெரிவித்தார்.

* மத்திய மந்திரி சபையில் அ.தி.மு.க., தெலுங்குதேசம் கட்சிகளுக்கு கதவு திறந்தே உள்ளதாகவும், தமிழகத்தின் பிரதிநிதித்துவம் மத்திய அமைச்சரவையில் இருக்க வேண்டும் என விரும்புவதாகவும் வாஜ்பாய் தெரிவித்தார்.

* நீங்கள் விரும்பிய தமிழக தலைவர் யார் என்ற கேள்விக்கு, தமிழ்நாட்டைப் பற்றி நான் எப்போது நினைத்தாலும் எனது நண்பரான திராவிட இயக்க ஜாம்பவான் மறைந்த அண்ணாதுரையை பற்றி நினைப்பேன் என்று தெரிவித்தார். 

* 1960 களில் நாங்கள் மேல்சபையில் ஒன்றாக இருந்தோம். அண்ணாதுரை என்ற அந்த மாநிலத் தலைவர் வலிமையான தேசிய கண்ணோட்டத்தோடு உள்ள தொகுப்பாக திகழ்ந்தார் என்று வாஜ்பாய் தெரிவித்தார்.

* தமிழக சினிமாவிலும், அரசியலிலும் மிகப்பெரிய தலைவராக திகழ்ந்த மறைந்த எம்.ஜி.ஆர். மீதும் மிகுந்த மரியாதை உண்டு என வாஜ்பாய் தெரிவித்துள்ளார்.

* தி.மு.க. மற்றும் கூட்டணி கட்சிகளை நாங்கள் எதுவும்  செய்யவில்லை என்றும், அவர்களாகவே தேசிய ஜனநாயக கூட்டணியை விட்டு விலகிச் சென்றதாகவும் வாஜ்பாய் தெரிவித்தார். 

* தி.மு.க. உடனான காங்கிரஸ் கட்சியின் கூட்டணி சந்தர்ப்பவாதம் என்றும் வாஜ்பாய் விமர்சித்தார்.

* பா.ஜ.க. கூட்டணிக்கு தான் ஆதரவு என்ற நடிகர் ரஜினி காந்தின் நிலையை பாராட்டுவதாக வாஜ்பாய் தெரிவித்தார். அவர் சிறந்த நடிகர். தமிழ் சினிமாவின்  ஜாம்பவான் என்றும், சமுதாய உணர்வுள்ள நடிகர் ரஜினிகாந்த் என்றும் வாஜ்பாய் கூறினார்.

* தமிழகத்தில் பா.ஜ.க. வளர்ந்துள்ளது என்றும், தென் மாநிலங்களில் ஒரு காலத்தில் வடஇந்திய கட்சியாக பார்க்கப்பட்ட பா.ஜ.க. எதிர்காலத்தில் வளர எங்கள் கட்சியினர் கடுமையாக பாடுபடுகிறார்கள் என்றும் வாஜ்பாய் தெரிவித்துள்ளார்.