திருவனந்தபுரம் தங்க கடத்தல் விவகாரம் : "விசாரணைக்கு வந்தபோது சிவசங்கரனுக்கு உடல் நலம் பாதிப்பு" - மருத்துவமனையில் அனுமதி

உத்தரப் பிரதேச மாநில பெரோசாபாத் பா.ஜ.க. வார்டு துணைத் தலைவர் டி.கே.குப்தா அடையாளம் தெரியாத நபர்களால் அமர் உஜலாவில் உள்ள அவரது மளிகை கடையில் வைத்து சுட்டுக் கொல்லப்பட்டு உள்ளார். இரவு 8 மணிக்கு இருசக்கர வாகனத்தில் வந்த மர்ம நபர்கள், அவரை சுட்டுக் கொன்றுவிட்டு தப்பியோடி உள்ளனர். இடைத் தேர்தல் பிரச்சாரத்திற்கு சென்று வரும் நிலையில், இந்த சம்பவம் நடைபெற்றுள்ளது. ஆபத்தான நிலையில் ஆக்ரா மருத்துவமனைக்கு கொண்டு செல்லப்பட்ட டி.கே.குப்தா உயிர் ஏற்கனவே பிரிந்து விட்டதாக மருத்துவர்கள் தெரிவித்துள்ளனர். இந்த சம்பவத்தை தொடர்ந்து அங்கு பதற்றம் நிலவு வருகிறது. 

மகாராஷ்டிர மாநிலத்தில் பெய்து வரும் கனமழையால் அங்குள்ள ஆறுகளில் வெள்ளம் கரைபுரண்டு ஓடுகிறது. இந்நிலையில், புனே நகரில் உள்ள ஆற்றில் கட்டப்பட்டு உள்ள பாபா பிடி பாலத்தின் மீது செல்பி எடுக்க முயன்ற போது, ஆற்றுக்குள் தவறி விழுந்த 2 பேர் மழை வெள்ளத்தில் அடித்துச் செல்லப்பட்டனர். வெள்ளத்தில் அடித்துச் செல்லப்பட்டவர்களை தேடும் பணி நடைபெற்ற நிலையில், இருட்டியதை தொடர்ந்து இன்று அப்பணி தொடரும் என தீயணைப்பு மற்றும் மீட்புத் பணித்துறை தெரிவித்துள்ளது.

கர்நாடகா - மகாராஷ்டிரா எல்லைப் பகுதிகளில் பெய்து வரும் கனமழையால், மகாராஷ்டிராவில் உள்ள உஜ்ஜயினி அணை நிரம்பி வழிகிறது.  அந்த அணையில் இருந்து அதிக அளவு தண்ணீர் திறக்கப்படுவதால், பீமா நதி பாய்ந்தோடும் கர்நாடகாவின் வட மாவட்டங்களான,பிஜாப்பூர், வெல்கம், மாவட்டங்களில் வெள்ளப்பெருக்கு ஏற்பட்டுள்ளது. வெல்கம் மாவட்டத்தில் சிக்கோடி தாலுகா, மற்றும் விஜபூர் மாவட்டத்தின் நூற்றுக்கணக்கான கிராமங்கள் நீரில் மூழ்கியுள்ளன. பல இடங்களில் சாலைகள் துண்டிக்கப்பட்டுள்ளன. மின்சாரம் இல்லாமல் இயல்பு வாழ்க்கை பாதிக்கப்பட்டுள்ளது. ஆயிரக்கணக்கான மக்கள்,  நிவாரண மையங்களில் தங்க வைக்கப்பட்டுள்ளனர்.  அடுத்த 24 மணி நேரத்தில் மகாராஷ்டிரா அணையில் இருந்து மேலும் அதிகமாக தண்ணீர் திறக்கப்படும் என அறிவிக்கப்பட்டுள்ளதால், தாழ்வான பகுதிகளில் உள்ள மக்களை, பாதுகாப்பான இடங்களுக்கு செல்லுமாறு அறிவுறுத்தி உள்ளனர். வெள்ளத்தில் மூழ்கியுள்ள கிராமங்களில் சிக்கித் தவிக்கும் மக்களை, மீட்பு படையினர் பத்திரமாக மீட்டு வருகின்றனர்.