இன்று சர்வதேச போதை பொருள் ஒழிப்பு தினம்

* சென்னையில் கடந்த ஆண்டு ஜூன் மாதம் முதல், தற்போது வரை போதை பொருள் பயன்படுத்தியதாகவும் கடத்தியதாகவும் 25 வழக்குகள் பதியப்பட்டு உள்ளதாக போதை பொருள் தடுப்பு  பிரிவு போலீசார் தெரிவித்துள்ளனர்.

* இந்த வழக்குகளில் தொடர்புடையதாக  3 வெளிநாட்டினர், 40 இந்தியர்கள் கைது செய்யப்பட்டுள்ளனர்.

* பல்வேறு இடங்களில் கடத்தப்பட்ட  2000 கிலோவுக்கு மேல் அளவுள்ள போதைப்பொருள்களை போலீசார் பறிமுதல் செய்துள்ளனர்.

* இது தொடர்பாக 14 குற்றவாளிகளை கைது செய்துள்ளதாக போலீசார் தெரிவித்துள்ளனர்.

* இதுமட்டுமில்லாமல் மெத்தாம்பெடாமைன் போதை பொருள் கடத்தியதாக 11 பேர், ஓபியம் உட்பட பிற போதைபொருள் கடத்தியதாக 18 பேர் என மொத்தம் 43 பேரை போலீசார் கைது செய்துள்ளனர். 3 பேரை தேடி வருவதாக காவல்துறை தெரிவித்துள்ளது.

* இதனிடையே, போதைப்பொருள் ஒழிப்பு குறித்து,  தமிழ்நாடு போதை பொருள் தடுப்பு நுண்ணறிவு பிரிவு போலீஸ் குறும்படம் மூலம் விழிப்புணர்வு ஏற்படுத்தியுள்ளது. திரை பிரபலங்கள் பலரும் போதைப்பொருளுக்கு எதிரான விழிப்புணர்வு வாசகம் பேசி வெளியிட்டுள்ளனர்.

* இன்று சர்வதேச போதை பொருள் ஒழிப்பு தினம்  அனுசரிக்கப்படும் நிலையில்,  பொதுமக்கள் போதை பொருள் பயன்படுத்துவதை நிறுத்த வேண்டும், போதைப்பொருளை பயன்படுத்தாதவர்கள், அதை பயன்படுத்துவோருக்கு அறிவுரை வழங்க வேண்டும் என மத்திய போதைப்பொருள் தடுப்பு பிரிவு அதிகாரிகள் வேண்டுகோள் விடுத்துள்ளனர்.