திருவிழாவில் தொலைந்து போன "சமூக விலகல்" - கர்நாடக கோயிலில் களை கட்டிய திருவிழா

ஹாவேரி மாவட்டம் கர்ஜகி கிராமத்தில் உள்ள பிரம்ம லிங்கேஸ்வர் ஆலயத்தின் வருடாந்திர திருவிழா நேற்று கொண்டாடப்பட்டது. முதலில் இந்த திருவிழாவிற்கு அனுமதி மறுத்த காவல் துறை, பின்னர் கடும் கட்டுப்பாடுகளோடு அனுமதி அளித்தது. ஆனால், அந்தக் கட்டுப்பாடுகள் அனைத்தையும் மறந்து முகக்கவசங்கள் கூட இல்லாமல் ஆயிரக்கணக்கான மக்கள் இங்கு ஒன்று கூடிய காட்சி, நாடு முழுவதும் அதிர்ச்சியை ஏற்படுத்தியுள்ளது. இதையடுத்து, விழா ஒருங்கிணைப்பாளர்கள் மீது காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.