சந்திரயான்-2 எடுத்த முப்பரிமாண படம் : 100 கி.மீ. தொலைவில் இருந்து எடுத்த படம் வெளியீடு

சந்திரயான்-2 செயற்கைக்கோள் நிலவின் மேற்பரப்பில் எடுத்த முப்பரிமாண புகைப் படங்களை இஸ்ரோ வெளியிட்டுள்ளது. நிலவில் தரையிறங்கும் முன்னர், விக்ரம் லேண்டர் மாயமானது. ஆனால், ஆர்பிட்டர் கருவி, நிலவின் வெளிவட்டப்பாதையில் நூறு கிலோ மீட்டர் தொலைவில் சுற்றி வரும்போது சந்திரயான்- 2ல் உள்ள அதிநவீன கேமரா உதவியால், இந்த முப்பரிமாண படம் எடுக்கப்பட்டுள்ளது. ஆராய்ச்சிகள் மூலம் நிலவின் மேற்பரப்பு குறித்த விவரங்களை முழுமையாக அறிய இந்தப் படம் உதவியாக இருக்கும் என்றும், கூடுதல் படம் வரலாம் என்றும் இஸ்ரோ நம்பிக்கை தெரிவித்துள்ளது.