குரல் மாதிரி சோதனை என்றால் என்ன?

பேராசிரியை நிர்மலாதேவிக்கு 5 விதங்களில் குரல் மாதிரி சோதனை நடந்திருப்பதாக தகவல்கள் தெரிவிக்கிறது. ஏற்கனவே சர்ச்சைக்குள்ளான ஆடியோவில் உள்ள பதிவுகளை ஒரு பேப்பரில் எழுதி வைத்து வெவ்வேறு சூழலில் அதனை  பேச வைத்துள்ளதாக கூறப்படுகிறது. வட்டார வழக்குகளில் பேசுமாறும் தொடர்பே இல்லாத அடுத்தடுத்த கேள்விகளை கேட்டு அதற்கான பதில்களையும் பெற்றும் சோதனை நடத்தப்பட்டதாக தெரிவிக்கப்பட்டுள்ளது. இதுபோல் அவர் பல கட்டங்களில் பேசிய வார்த்தைகள் மூலம் குரலில் உள்ள ஏற்ற இறக்கங்கள் ஆகியவை அலைவரிசை முறையில் சோதனை செய்யப்படும். இதை எல்லாம் ஒன்றாக சேர்த்து சராசரியான புள்ளிகளை கணக்கில் வைத்து முடிவுகள் எடுக்கப்படும் என காவல்துறை வட்டாரங்கள் தரப்பில் தெரிவிக்கப்பட்டுள்ளது.