எப்படி இருக்கிறது சர்கார்..?
பதிவு : நவம்பர் 07, 2018, 01:23 AM
மாற்றம் : நவம்பர் 07, 2018, 02:08 PM
சர்கார் என்ற பெயருக்கேற்றவாறு அரசியல், நாட்டு நடப்புகளை படத்தில் காட்சிகளாக இயக்குநர் முருகதாஸ் வைத்திருக்கிறார்.
தேர்தலில் ஒவ்வொரு குடிமகனும் அவர்களுடைய  ஓட்டை சரியான முறையில் தவறாமல் போடுவதன் மூலம் நாட்டில் நல்ல சர்கார் அமையும் என்கிறது விஜய்யின் இந்த சர்கார்.

பெரிய கார்ப்பரேட் நிறுவனத்தின் உயரதிகாரியான   சுந்தர் ராமசாமி  (விஜய்), செல்லும் இடமெல்லாம் தன் புத்திசாலித்தனத்தால் கம்பெனிகளை வளைத்துப் போடுகிறார். இதனால் பெரிய பெரிய கார்ப்பரேட் முதலாளிகள் இவரைப் பார்த்து பயந்து ஓடுகின்றனர். அதனாலே சுந்தரை  ''கார்ப்பரேட் மான்ஸ்டர்''  என அழைப்பதுண்டு. இந்நிலையில் தன்னுடைய ஓட்டை போட தமிழகம் வருகிறார் சுந்தர். வந்த இடத்தில், அவரது ஓட்டு கள்ள ஓட்டாகப் போடப்பட்டிருப்பது கண்டு, பொங்கி எழும் விஜய் கோர்ட்டுக்குப் போகிறார். கோர்ட்டில்  சுந்தருக்கு சாதகமாக தீர்ப்பு வர, ஆட்சி அமைக்க முடியாமல் ஜெயித்த கட்சி தலைவர் பழ.கருப்பையா, அவரது மகள் வரலட்சுமி சரத்குமார் மற்றும் கட்சியின் நம்பர்-2 ராதாரவியும் தவிக்கின்றனர். இதனால் அவர்களின் எதிர்ப்பிற்கு ஆளாகிறார் சுந்தர். இந்த எதிர்ப்பை சமாளித்து, "நம்ம சர்க்கார்" என்ற வசனத்துக்கு ஏற்றார்போல் சுந்தர் (விஜய்) செய்யும் அரசியல் விளையாட்டு தான் கதை.

“கேள்வி கேட்டால் தான் பதில் கிடைக்கும், நான் கேள்வி கேட்கிறேன்?” என தைரியமாக தமிழ்நாட்டில் உள்ள சமகால பிரச்சனைகளை பேசியுள்ள விஜய்யும், படத்தின் திரைக்கதையும் தான் சர்கார் படத்தின் மிகப்பெரிய பிளஸ். டயலாக், டான்ஸ், வசனம் என எல்லா ஏரியாவிலும் விஜய் வழக்கம்போல புகுந்து விளையாடி இருக்கிறார். 



பழ.கருப்பையா, ராதாரவி, வரலட்சுமி மூவரும் தங்களது கதாபாத்திரத்தை எந்தக் குறையுமின்றி சிறப்பாக செய்துள்ளனர்.  பழ.கருப்பையாவின் மகளாக வரும் வரலக்ஷ்மி வார்த்தையிலேயே மிரட்டுகிறார். கீர்த்தி சுரேஷ் எதற்கு இருக்கிறார் என்று தெரியாத அளவுக்கு ஒரு கதாபாத்திரம். ஒரு சில காட்சிகளில் வரும் யோகிபாபுவும் பெரிதாக ஜொலிக்கவில்லை.



ஏ.ஆர்.ரஹ்மானின் இசையில் சிம்டாங்காரன், ஒரு விரல் புரட்சி இரண்டும் மீண்டும் கேட்கத்தோன்றுகிறது. பின்னணி இசை காட்சிக்கு காட்சி ஹார்ட் பீட்டை எகிற வைக்கிறது. பிரம்மாண்டம், சண்டைக்காட்சிகள் என அனைத்திற்கும் தேவையான ஒளிப்பதிவினை கிரிஷ் கங்காதரன் சிறப்பாக அளித்திருக்கிறார். சர்காரின் நீளம் ஸ்ரீகர் பிரசாத்தின் சிசர்கள் இன்னும் சிறப்பாக வெட்டியிருக்கலாமோ என நினைக்க வைக்கிறது. ராம்-லட்சுமணனின் கோரியோகிராஃபியில் சண்டைக்காட்சி புதுவிதமாகவும், சிறப்பாகவும் இருக்கிறது.



சர்கார் என்ற பெயருக்கேற்றவாறு அரசியல், நாட்டு நடப்புகளை படத்தில் காட்சிகளாக இயக்குநர் முருகதாஸ் வைத்திருக்கிறார். அதைப்போல, நடப்பு அரசியலோடு படத்தை வெகுவாக கனெக்ட் செய்வதில் வெற்றி பெறுகிறார் இயக்குநர். பல இடங்களில் நம்மை யோசிக்க வைத்துள்ளார். பல வசனங்கள் கைத்தட்டல் பெற்றிருக்கிறது. தனது முந்தைய படங்களில் இருந்து வேறுபட்டு, படத்தின் தொடக்கத்திலேயே கதைக்குள் இறங்கியிருக்கிறார் முருகதாஸ். இதனாலேயே படம் தொய்வு இல்லாமல் விறுவிறுப்பாக நகர்கிறது. நிச்சயம் முருகதாஸ் - விஜய் கூட்டணிக்கு இப்படம் ஹாட்ரிக் வெற்றியைத் தரும்.

தொடர்புடைய செய்திகள்

சென்னை முதல் நாள் வசூலில் காலா, பாகுபலியை மிஞ்சிய சர்கார்

நடிகர் விஜய் நடித்த சர்கார் படம் காலா, பாகுபலியை தாண்டி அதிக வசூலை எட்டியுள்ளது.

14633 views

தீபாவளியையொட்டி திரையரங்குகளில் கூடுதல் காட்சிகளுக்கு அனுமதி அளிப்பு

தீபாவளியையொட்டி திரையரங்குகளில் கூடுதல் காட்சிகளுக்கு அனுமதி அளித்து தமிழக அரசு அரசாணை வெளியிட்டுள்ளது.

658 views

பிற செய்திகள்

அழிந்து வரும் கிராமிய கலையான வில்லுப்பாட்டு

வில்லுப்பாட்டு கலை தற்போது அழிந்து வரும் நிலையில் இருப்பதாக அதனை சார்ந்த கலைஞர்கள் வேதனை தெரிவிக்கின்றனர்.

6 views

திமுக தலைவரை சந்தித்த பிரிட்டன் தூதரக அதிகாரிகள் : தமிழக அரசியல் நிலவரம் குறித்து ஆலோசனை

திமுக தலைவர் ஸ்டாலினை பிரிட்டன் தூதரக அதிகாரிகள் நேரில் சந்தித்து ஆலோசனை நடத்தினர்.

11 views

பிளாஸ்டிக் தடையால் உள்நாட்டு வியாபாரிகளுக்கு பெரும் இழப்பு - விக்கிரமராஜா

பிளாஸ்டிக் தடை என கூறிய நிலையில் பன்னாட்டு கம்பெனி தயாரிப்புகளுக்கு தடை விதிக்காமல் இருப்பது ஏன் வணிகர் சங்க பேரமைப்பின் தலைவர் விக்கிரமராஜா கேள்வி எழுப்பினார்.

10 views

குக்கர் சின்னம் தொடர்பான வழக்கு : தேர்தல் ஆணையம் பதிலளிக்க உச்ச நீதிமன்றம் உத்தரவு

அம்மா மக்கள் முன்னேற்ற கழகத்திற்கு குக்கர் சின்னம் ஒதுக்க கோரி தொடரப்பட்டுள்ள வழக்கில், தேர்தல் ஆணையம் பதிலளிக்க உச்ச நீதிமன்றம் உத்தரவிட்டுள்ளது.

17 views

பிளாஸ்டிக் தடை எதிரொலி : வாழை இலைக்கு மீண்டும் கூடியது மவுசு

பிளாஸ்டிக் பொருட்களுக்கு தடை விதிக்கப்பட்டதன் எதிரொலியாக, வாழை இலைக்கு தற்போது மவுசு அதிகரித்துள்ளது.

10 views

சபரிமலைக்கு சென்ற கனகதுர்கா, பிந்துவுக்கு பாதுகாப்பு வழங்க உச்சநீதிமன்றம் உத்தரவு

சபரிமலையில், 50 வயதுக்கு உட்பட்ட 51 பெண்கள் சாமி தரிசனம் செய்திருப்பதாக உச்சநீதிமன்றத்தில் கேரள அரசு தெரிவித்துள்ளது.

13 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.