ரஜினி நடிக்கும் 'கூலி' - சிறப்பு வீடியோ வெளியிட்ட படக்குழு

லோகேஷ் கனகராஜ் இயக்கத்தில் ரஜினி நடிக்கும் படம் ‘கூலி’. ஸ்ருதிஹாசன், நாகர்ஜுனா, உபேந்திரா, சவுபின் ஷாயிர், சத்யராஜ், ஆமீர்கான் உள்ளிட்ட பலர் நடித்துள்ள இந்தப் படத்துக்கு அனிருத் இசையமைக்கிறார்.

சன் பிக்சர்ஸ் நிறுவனம் படத்தை தயாரித்து வருகிறது.படத்தில் பூஜா ஹெக்டே சிறப்பு நடனம் ஆடியுள்ளார். படம் வரும் ஆகஸ்ட் 14-ம் தேதி திரையரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது

பெரும் எதிர்பார்ப்பை ஏற்படுத்தியுள்ள இந்தப் படம் வெளியாக 100 நாட்கள் இருக்கும் நிலையில், அதை முன்னிட்டு சிறப்பு வீடியோ ஒன்றையும் படக்குழு வெளியிட்டுள்ளது.

அதன் இறுதியில் ரஜினி மாஸான தோற்றத்தில் காட்டப்படுகிறார். இறுதியில் ரஜினி விசில் அடிப்பதுடன் வீடியோ நிறைவடைகிறது.