"டிரெய்லர் நல்லா இருந்துச்சு.. ஆனா படம் நல்லா இல்ல" - பேரவையில் கடம்பூர் ராஜூ பேச்சு

சட்டப்பேரவையில் செய்தித்துறை மற்றும் வணிகவரித்துறைகளின் மானிய கோரிக்கை மீதான விவாதத்தில் அதிமுக உறுப்பினர் கடம்பூர் ராஜு பேசினார். அப்போது அவர், ஒரு திரைப்படம் வெளியாகும் முன் டிரைலர் வெளி வரும் என்றும், மக்களிடையே மிகுந்த வரவேற்பு பெறும் என கூறினார். படம் வெளியான பின் படம் நன்றாக இருக்காது என்றும் அது மக்களுக்கு மிகுந்த ஏமாற்றம் தரும் என்றும், அதை போல, மக்களை கவர்ந்த டிரைலர் திமுக வின் தேர்தல் அறிக்கை என தெரிவித்துள்ளார். மக்களை மிகுந்த ஏமாற்றம் அளிக்கும் திரைப்படம் தான் திமுகவின் ஆட்சி என அவர் பேசினார். கோவில்பட்டியை தலைமையிடாக கொண்டு புதிய மாவட்டம் உருவாக்க வேண்டும் எனவும், சீன லைட்டர் இறக்குமதியை தடுக்க தமிழக அரசு நடவடிக்கை எடுக்க வேணடும் என கோரிக்கை விடுத்துள்ளார்.