ஒன்றோடு ஒன்று மோதிக்கொண்ட 3 கார்கள்.. விரைந்து வராத காவல் துறையினர் - பரபரப்பு சம்பவம்

தீபாவளியை முன்னிட்டு சென்னையில் இருந்து மக்கள் சொந்த ஊர்களுக்கு படையெடுத்துள்ள நிலையில், விழுப்புரம் மாவட்டம் விக்கிரவாண்டி அருகே 3 கார்கள் ஒன்றோடு ஒன்று மோதின. இதில் லேசான காயமடைந்த 3 பேர் மருத்துவமனையில் சேர்க்கப்பட்டனர். போக்குவரத்து காவல்துறையோ, சுங்கச்சாவடி மீட்பு குழுவோ உடனடியாக வராததால், சுமார் ஒருமணி நேரம் போக்குவரத்து பாதிக்கப்பட்டது. பின்பு தாமதமாக வந்த காவல் துறையினரிடம், அங்கிருந்த வாகன ஓட்டிகள் வாக்குவாதத்தில் ஈடுபட்டதால் சிறிதுநேரம் பரபரப்பு ஏற்பட்டது.