சென்னையில் நடந்த சம்பவம் - ஓட்டுநர் கொடுத்த பகீர் வாக்குமூலம் #chennai #lorry #accident #villivakkam சென்னை வில்லிவாக்கத்தில் தண்ணீர் லாரி மோதி ஒருவர் உயிரிழந்த விபத்தில், லாரியில் பிரேக் ஃபெயிலரானதே விபத்துக்குக் காரணம் என ஓட்டுநர் தெரிவித்துள்ளார். பாடி மேம்பாலத்தில் இருந்து வில்லிவாக்கம் நோக்கிச் சென்ற சென்னை குடிநீர் வாரியத்தில் ஒப்பந்த தண்ணீர் லாரி, சிக்னல் அருகே பேருந்துக்காகக் காத்திருந்தவர்கள் மீது மோதியது. இதில் வில்லிவாக்கத்தைச் சேர்ந்த அன்பழகன் என்பவர் சம்பவ இடத்திலேயே உயிரிழந்தார். மேலும் மூன்று பேர் படுகாயமடைந்தனர். விபத்தை ஏற்படுத்திய லாரி ஓட்டுநர் அஜித்குமாரை போலீசார் கைது செய்து விசாரித்தனர். அப்போது, பிரேக் ஃபெயிலர் ஆனதால் விபத்து என கூறிய நிலையில் ஓட்டுநரிடம் தொடர்ந்து விசாரணை நடைபெற்று வருகிறது.