ஓசூரில் கட்டுமான பணியின் போது விபத்து : மூன்று தொழிலாளர்கள் கட்டிட இடிபாடுகளுக்குள் சிக்கி பலி ஓசூர் முதல் சிப்காட் பகுதியில் தனியார் கம்பெனியில் வாயில் பகுதி கட்டும் பணிகள் நடைபெற்று வந்தன இந்த பணிகளில் சுமார் 15க்கும் மேற்பட்ட தொழிலாளர்கள் ஈடுபட்டிருந்தனர் இந்த நிலையில் இன்று கான்கிரீட் போடும் பணிகள் நடைபெற்று வந்த நிலையில் திடீரென அந்தக் கட்டிடம் இடிந்து விழுந்துள்ளது இதில் அங்கு வேலை பார்த்து வந்த தொழிலாளர்கள் தப்பித்து ஓடி உள்ளனர் இதில் இடிபாடுகளுக்குள் சிக்கி மூன்று தொழிலாளர்கள் உயிரிழந்தனர் இவர்கள் ஓசூர் பகுதியைச் சேர்ந்த தொழிலாளர்கள் எனக் கூறப்படும் நிலையில் சம்பவ இடத்தில் சிப்காட் போலீசார் மற்றும் வருவாய் துறையினர் தீயணைப்பு துறையினர் உடல்களை மீட்கும் பணிகளில் ஈடுபட்டுள்ளனர் இந்த சம்பவத்தால் அப்பகுதியில் பரபரப்பு ஏற்பட்டுள்ளது உயிரிழந்த மூன்று பேரில் ஒருவர் சீனிவாசன் (26) பெரியார் நகர் என்பது தெரிய வந்துள்ளது தொழிலாளர்களின் உறவினர்கள் அப்பகுதியில் குவிந்து கதறி அழுது வருகின்றனர்