தமிழ்நாட்டில் நடிகர் அஜித் குமாருக்கே அதிகமான ரசிகர்கள் உள்ளனர் என்றும், அவர் சாலையில் நடந்து சென்றால் தமிழ்நாடே பின்னால் நிற்கும் என்றும் தமிழக காங்கிரஸ் கமிட்டி தலைவர் செல்வப்பெருந்தகை தெரிவித்துள்ளார். சென்னை அருகே குன்றத்தூரில் நடைபெற்ற தேர்தல் பிரசாரத்திற்குப் பிறகு செய்தியாளர்களை சந்தித்த அவர், தவெக தலைவர் விஜய் காங்கிரஸ் குறித்து பேசியது பொருத்தமற்றது என்று விமர்சித்தார். மேலும், தமிழ்நாட்டில் எம்.ஜி.ஆர்.க்கு பின் ரஜினிகாந்த் மற்றும் அஜித் குமார் ஆகியோருக்கே அதிகமான ரசிகர்கள் உள்ளனர் என்றும் அவர் கூறினார்.