சென்னை சோழிங்கநல்லூர் தொகுதியில் போட்டியிடும் திமுக வேட்பாளர் அரவிந்த் ரமேஷுக்கு ஆதரவாக, திமுக அமைப்பு செயலாளர் ஆர்.எஸ். பாரதி, பெரும்பாக்கம் மற்றும் செம்மஞ்சேரி பகுதிகளில் வீதி வீதியாக தீவிர வாக்கு சேகரிப்பில் ஈடுபட்டார். திறந்த ஜீப்பில் கூட்டணி கட்சி நிர்வாகிகளுடன் சென்ற அவர்களுக்கு மக்கள் உற்சாக வரவேற்பு அளித்தனர். பெண்கள் ஆரத்தி எடுத்து வரவேற்றதுடன், செங்கோல் மற்றும் வீரவாள் வழங்கி மரியாதை செய்தனர்.. மேலும் பட்டாசு வெடித்து, சால்வை மற்றும் மலர் கீரிடம் அணிவித்து ஆதரவு தெரிவித்தனர். தொடர்ந்து பேசிய ஆர்.எஸ். பாரதி, கடந்த ஐந்து ஆண்டுகளில் நிறைவேற்றப்பட்ட அரசு நலத்திட்டங்களை முன்வைத்து திமுக வேட்பாளர் அரவிந்த் ரமேஷுக்கு ஆதரவளிக்க வேண்டும் என கேட்டுக்கொண்டார்.