ஆப்கானிஸ்தானில் ஏற்பட்ட சக்திவாய்ந்த நிலநடுக்கத்தால், உயிரிழந்தோரின் எண்ணிக்கை ஆயிரத்து 411ஆக அதிகரித்துள்ளது. ஞாயிற்றுக்கிழமை நங்கர்கார், குனார், லக்மான் மாகாணங்களில் அடுத்த‌டுத்து சக்தி வாய்ந்த நிலநடுக்கம் ஏற்பட்டது. குனார் மாகாணத்தில் நுர்கல், சுகி, உள்ளிட்ட மாவட்டங்களில் கடும் சேதம் ஏற்பட்டுள்ளது. 5 ஆயிரத்து 400க்கும் மேற்பட்ட வீடுகள் தரைமட்டமாயின. மீட்புப் பணிகள் தீவிரமாக நடைபெற்று வரும் நிலையில், இதுவரை ஆயிரத்து 411 பேரின் சடலங்கள் மீட்கப்பட்டுள்ளன. மூவாயிரத்திற்கும் மேற்பட்டோர் படுகாயங்களுடன் மீட்கப்பட்டுள்ளதால் உயிரிழப்பு மேலும் அதிகரிக்கும் என அஞ்சப்படுகிறது.