வங்கதேச தலைநகர் டாக்காவில், முன்னாள் பிரதமர் ஷேக் ஹசீனாவின் தந்தை ஷேக் முஜிபுர் ரகுமானின் நினைவிடம் மற்றும் இல்லத்திற்கு போராட்டக்காரர்கள் தீ வைத்ததால் பதற்றம் நிலவியது. வங்கதேசத்தைவிட்டு முன்னாள் பிரதமர் ஷேக் ஹசீனா வெளியேறி சுமார் 6 மாதங்கள் ஆகி உள்ளது. வங்கதேசத்தில் நடைபெறவுள்ள பொதுத்தேர்தலில் ஹசீனாவின் அவாமி லீக் கட்சி அனுமதிக்கப்படாது என இடைக்கால அரசு கூறியுள்ளது. இ​ந்நிலையில், ஆன்லைன் வாயிலாக உரையாற்றிய ஷேக் ஹசீனா, இடைக்கால அரசுக்கு எதிராக அவாமி லீக் கட்சியினர் போராடுமாறு கேட்டுக்கொண்டிருந்தார். இதற்கு எதிர்ப்பு தெரிவித்தும், அவாமி லீக்கிற்கு தடை விதிக்கக்கோரியும், டாக்காவில் உள்ள ஷேக் முஜிபுர் ரகுமானின் இல்லத்தை போராட்டக்காரர்கள் சேதப்படுத்தி தீ வைத்தனர்.