தூத்துக்குடி மாவட்டம் எட்டயபுரம் அருகே, குளிர்பான பாட்டில்களை ஏற்றிச் சென்ற கண்டெய்னர் லாரி சாலையில் கவிழ்ந்து விபத்துக்குள்ளானது. நெல்லை மாவட்டம் கங்கைகொண்டானில் உள்ள தனியார் குளிர்பான ஆலையிலிருந்து குளிர்பான பாட்டில்களை ஏற்றிக்கொண்டு தூத்துக்குடி வழியாக விஜயவாடாவுக்கு லாரி சென்று கொண்டிருந்தது. எட்டயபுரம் அருகே லாரி கவிழ்ந்து பல லட்சம் ரூபாய் மதிப்புள்ள குளிர்பான பாட்டில்கள் சாலையில் குவியல் குவியலாக சிதறின. இவற்றில் சிலவற்றை பொதுமக்கள் அள்ளிச் சென்றனர். விபத்தில் காயமடைந்த உதவியாளர் மனோஜ்குமாரை போலீசார் மீட்டு மருத்துவமனையில் சேர்த்தனர்.