தமிழக அரசு பேருந்துகளில் முன்பதிவு செய்து பயணம் மேற்கொள்ளும் காலம் 30 நாட்களிலிருந்து 60 நாட்களாக உயர்த்தப்பட்டுள்ளது. இதுகுறித்து அரசு விரைவுப் போக்குவரத்துக் கழக மேலாண் இயக்குநர் வெளியிட்டுள்ள அறிக்கையில், பயணிகளின் வசதிக்காக 15/03/2024 முதல் பயண முன்பதிவு காலம் 30 நாட்களில் இருந்து 60 நாட்களாக உயர்த்தப்படுகிறது. எனவே தொலைதூரம் பயணம் மேற்கொள்பவர்கள் தங்கள் பயணத்தை முன்கூட்டியே திட்டமிட்டு, மொபைல் ஆப் மூலம் போக்குவரத்து கழக இணையதளத்தில் முன்பதிவு செய்து பயணிக்குமாறு தெரிவிக்கப்பட்டுள்ளது.