சிவகங்கை சாக்கோட்டையில் வாக்குப்பெட்டிகள் உடைக்கப்பட்டதாக திமுக மற்றும் எதிர்க்கட்சிகள் குற்றம் சாட்டியுள்ளன. சாக்கோட்டை ஊராட்சி ஒன்றியத்திற்கு உட்பட்ட தேர்தலின் வாக்குப் பெட்டிகள், மூகவருக்கு முன்னிலையில் சீல் வைக்கப்பட்டு, அழகப்பா பாலிடெக்னிக்கல் கல்லூரியில் பலத்த பாதுகாப்புடன் வைக்கப்பட்டிருந்தது. இந்நிலையில் இன்று காலை முகவர்கள் வந்து பார்க்கும் பொழுது, வாக்கு பெட்டியின் மேலே சுற்றப்பட்டிருந்த துணி மற்றும் பிளாஸ்டிக்கால் ஆன உறைகள் உடைக்கப்பட்டிருந்தது. இதை கண்ட திமுக மற்றும் எதிர்க்கட்சியினர் முறைகேடு நடந்துள்ளதாக கூறி கல்லூரியை முற்றுகையிட்டு, தேர்தல் அதிகாரியுடன் வாக்குவாதத்தில் ஈடுபட்டனர்.