சென்னை சேப்பாக்கத்தில் தமிழ்நாடு கிரிக்கெட் சங்கத்தின் 87-வது ஆண்டு பொதுக்குழு கூட்டம் இன்று நடைபெற்றது. இந்த கூட்டத்தில் சங்கத்தின் தலைவர் பதவிக்கு விண்ணப்பித்த ரூபா குருநாத், போட்டியின்றி ஒருமனதாக தேர்வு செய்யப்பட்டார். இதன்மூலம், இந்திய கிரிக்கெட் கட்டுப்பாட்டு வாரியத்திற்கு உட்பட்ட மாநில கிரிக்கெட் சங்கத்தின் முதல் பெண் தலைவர் என்ற பெருமை, ரூபா குருநாத்துக்கு கிடைத்துள்ளது. துணை தலைவர், செயலாளர், செயற்குழு உறுப்பினர் உள்ளிட்ட பதவிகளுக்கு விண்ணப்பித்தவர்களும் போட்டியின்றி தேர்வு செய்யப்பட்டனர்.