மறைந்த முதலமைச்சர் ஜெயலலிதாவின் தம்பியாக தற்போதைய முதலமைச்சர் எடப்பாடி பழனிசாமியை மக்கள் பார்ப்பதாக அமைச்சர் ராஜேந்திர பாலாஜி தெரிவித்துள்ளார். ஈரோடு மாவட்டம் பவானியில், குருபெயர்ச்சியையொட்டி கோயிலில் வழிபாடு நடத்திய பின் செய்தியாளர்களிடம் பேசிய அவர், குரு பெயர்ச்சி அ.தி.மு.க.வுக்கு நல்ல ஏற்றத்தை தரும் என்றார். மேலும், இடைத்தேர்தலில் பெற்ற வெற்றி உள்ளாட்சி மற்றும் சட்டமன்றத் தேர்தலிலும் தொடரும் என்றும் ஆண்டுதோறும் பால் விலையை ஏற்றி, கொள்முதல் செய்பவர்களின் வயிற்றில் பாலை வார்ப்போம் என்றும் அமைச்சர் ராஜேந்திர பாலாஜி கூறினார்.