பரிசோதனை செய்தால் 14 நாட்கள் தனிமை : "நல்லெண்ணத்தில் கொண்டு வரப்பட்ட திட்டம்..."

சென்னையில் கொரோனாவை கட்டுக்குள் கொண்டு வரும் நல்லெண்ணத்துடனேயே, பரிசோதனை செய்தவர்கள் 14 நாட்கள் தனிமைபடுத்தப்படுவர் என்ற நடைமுறை கொண்டு வரப்பட்டுள்ளதாக சுகாதாரத்துறை செயலாளர் ராதாகிருஷ்ணன் தெரிவித்துள்ளார். சென்னை சாலிகிராமத்தில் உள்ள தனியார் கல்லூரியில் அமைக்கப்பட்டுள்ள சித்தா மையத்தில் கொரோனா சிகிச்சை முடிந்து வீடு திரும்புபவர்களுக்கு கபசுர குடிநீரை வழங்கிய பின் செய்தியாளர்களை சந்தித்த அவர், கூடுதலாக 50 ஆம்புலன்ஸ் ஏற்படுத்தப்பட்டுள்ளது என்றும், தமிழகத்தில் தேவைக்கு ஏற்ப பி.சி.ஆர். கிட் உள்ளது என்றும் கூறினார்.