புதுக்கோட்டை மாவட்டம் அறந்தாங்கி அருகே கடந்த மாதம் 7 வயது சிறுமி பாலியல் வன்கொடுமை செய்யப்பட்டு கொலை செய்யப்பட்ட சம்பவத்தில், அரசியல் கட்சிகள் அளித்த நிவாரண தொகையை ஒருசிலர் வாங்கி வைத்துக்கொண்டு கொடுக்க மறுப்பதாக குடும்பத்தினர் குற்றம்சாட்டியுள்ளனர். தமிழக அரசு அறிவித்த 5 லட்ச ரூபாய், திமுக உட்பட பல்வேறு கட்சிகள் அமைப்புகள்12 லட்சம் ரூபாய் நிவாரணமாக வழங்கின. இந்த தொகைகளை ஒரு சிலர் வாங்கி வைத்துக்கொண்டு தங்களுக்கு கொடுக்க மறுப்பதாகவும், கொலை மிரட்டல் விடுப்பதாகவும் சிறுமியின் குடும்பத்தினர் மாவட்ட காவல் கண்காணிப்பாளரிடம் புகார் அளித்துள்ளனர்.