சென்னை திருவொற்றியூரில் வாட்ஸ்-அப் குழுவில் இருந்து நீக்கிய அட்மினை ஒருவர் தாக்கியது தொடர்பான சிசிடிவி காட்சிகள் வெளியாகியுள்ளன. ஜோதி நகரைச் சேர்ந்த தண்ணீர் கேன் விற்பனையாளரான இளையகுமாரன், தினேஷ் என்பவரை அப்பகுதிக்கான வாட்ஸ்-அப் குழுவில் இருந்து நீக்கியுள்ளார். இதனால் ஆத்திரம் அடைந்த தினேஷ், இளையகுமாரனின் முகத்தில் கடுமையாக குத்தியதுடன் தாக்கவும் செய்துள்ளார். இது தொடர்பான சிசிடிவி காட்சிகள் வெளியாகியுள்ள நிலையில், எண்ணூர் காவல் நிலையத்தில் இளைய குமாரனின் தாய் புகார் அளித்துள்ளார்.