சென்னை சென்ட்ரல் ரயில் நிலையத்தில், நடைமேடை டிக்கெட் கட்டண உயர்வுக்குப் பின் டிக்கெட் விற்பனையில் சரிவு ஏற்பட்டுள்ளது. சென்ட்ரல் ரயில் நிலையத்தில் நாள் ஒன்றுக்கு 4 ஆயிரம் பிளாட்பார்ம் டிக்கெட்டுகள் விற்பனையாகும் சூழலில் இன்று காலை 11 மணி நிலவரப்படி 540 டிக்கெட்டுகள் மட்டுமே விற்பனையாகி உள்ளதாக தெற்கு ரயில்வே அதிகாரிகள் தெரிவித்துள்ளனர். எம்.ஜி.ஆர். சென்ட்ரல் ரயில் நிலையம் மட்டுமல்லாது, எழும்பூர், தாம்பரம் உள்ளிட்ட பிற ரயில் நிலையங்களிலும் பிளாட்பார்ம் டிக்கெட்டுகள் விற்பனை சரிந்துள்ளதாக தெற்கு ரயில்வே அதிகாரிகள் தெரிவித்துள்ளனர்.