தொழிலாளர் வருங்கால வைப்பு நிதி திட்டத்துக்கான வட்டி விகிதத்தினை மத்திய அரசு உயர்த்தியுள்ளது. தற்போது 8 புள்ளி 55 சதவீதமாக உள்ள வட்டி விகிதம் 8 புள்ளி 65 சதவீதமாக அதிகரிக்கப்பட்டுள்ளது. ஏற்கெனவே 8 புள்ளி 65 சதவீதமாக இருந்த வட்டி விகிதத்தினை, கடந்த ஆண்டு 8 புள்ளி 55 சதவீதமாக மத்திய அரசு குறைத்த நிலையில் மீண்டும் தற்போது 8 புள்ளி 65 சதவீதமாக உயர்த்தப்பட்டுள்ளது. இதன் மூலம் நாடு முழுவதும் 5 கோடி தொழிலாளர்கள் பயனடைய உள்ளனர் என்பது குறிப்பிடத்தக்கது.