நீலகிரி மாவட்டம் கூடலூரை சுற்றியுள்ள பகுதிகளில் தற்போது பலாப்பழ சீசன் தொடங்கி உள்ளதால் காட்டு யானைகளின் நடமாட்டம் அதிகமாக உள்ளது. அந்த வகையில், முதுமலை புலிகள் காப்பகத்தில் இருந்து வந்த 4 யானைகள், கூடலூர் அருகே உள்ள குடியிருப்பு பகுதிக்குள் நுழைந்தன. தகவலறிந்து வந்த வனத்துறையினர் காட்டுயானைகளை விரட்டிய நிலையில், பெங்களூர் செல்லக்கூடிய தேசிய நெடுஞ்சாலையை கடந்து மாக்குமூலா பகுதிக்குள் ஒன்றன்பின் ஒன்றாக யானைகள் சென்றன.