தமிழகத்தில், அரசு யோகா மற்றும் இயற்கை மருத்துவக் கல்லூரி ஒன்றும், 7 தனியார் கல்லூரிகளும் இயங்கி வருகின்றன. அரசு கல்லூரியில் 60 இடங்களும், தனியார் மருத்துவக் கல்லூரிகளில் 550 இடங்களும் உள்ளன . இந்த 550 இடங்களில், 65 சதவீத இடங்களை தமிழக அரசு பூர்த்தி செய்கிறது. மீதமுள்ள 35 சதவீத இடங்களை கல்லூரி நிர்வாகம் பூர்த்தி செய்யும். இந்நிலையில், வரும் ஒன்றாம் தேதி முதல் விண்ணப்பங்கள் வழங்கப்படும் என, இயற்கை மருத்துவம் மற்றும் ஹோமியோபதி மருத்துவத் துறை இயக்குனர் கணேஷ் அறிவித்துள்ளார்.