அண்ணா பல்கலை பெயரை மாற்றவோ, இரண்டாக பிரிக்கும் திட்டமோ இல்லை என உயர்கல்வி துறை அமைச்சர் அன்பழகன் தெரிவித்துள்ளார். பேரவையில் திமுக உறுப்பினர் பொன்முடி எழுப்பிய கேள்விக்கு பதில் அளித்த அவர், அண்ணா பல்கலைக்கு சீர்மிகு பல்கலை அந்தஸ்து பெறுவது தொடர்பாக 5 அமைச்சர் கொண்ட குழு அமைக்கப் பட்டுள்ளதாகவும், சாதக பாதகங்களை கண்டறிந்து செயல்படுத்த அக்குழு நடவடிக்கை எடுக்கும் என்றும் தெரிவித்தார். அண்ணா பல்கலைக்கழகத்தை மத்திய அரசிடம் தாரை வார்க்கும் எண்ணம் இல்லை என்றும் அவர் கூறினார்.