இதில், திரவிய பொடி, மஞ்சள், சந்தனம், பால், தயிர், தேன் உள்ளிட்ட பல்வேறு பொருட்களால் அபிஷேகம் செய்யப்பட்டது. மேலும், நாளை ஐப்பசி மாத பெளர்ணமியை ஒட்டி, அன்ன அபிஷேகத்திற்கும் ஏற்பாடு செய்யப்பட்டுள்ளது. சந்திர கிரகணத்தை ஒட்டி, தஞ்சை பெரிய கோயிலில் அன்னாபிஷேகத்திற்கு முன்கூட்டியே நடை திறக்கப்பட்டு பின்னர் பெரிய கோயில் நடை சாத்தப்படுகிறது என அறிவிக்கப்பட்டுள்ளது.

தஞ்சை பெரிய கோயில் பெருவுடையாருக்கு சனிக்கிழமை மதியம் அன்னாபிஷேகம் 3 மணி முதல் 7 மணி வரை நடைபெறுகிறது. எனவே அன்னாபிஷேக அலங்காரத்தை பொதுமக்கள் 7 மணி வரை தரிசனம் செய்யலாம் என்றும், இரவு 8 மணிக்கு கோயில் நடை சாத்தப்படுகிறது என்றும் அறிவிக்கப்பட்டுள்ளது.