சென்னை ஐ.சி.எப். ரயில்பெட்டி தொழிற்சாலையில் இருந்து முதல்முறையாக நீலகிரி மலை ரயில் சேவைக்கு அதிநவீன ஸ்டீல் ரயில் பெட்டிகள் தயாரிக்கப்பட்டுள்ளது. மொத்தம் 15 ரயில்பெட்டிகள் தயாரிக்க திட்டமிடப்பட்டு, முதற்கட்டமாக 4 ரயில் பெட்டிகள் கொண்ட தொடர்வண்டி, தெற்கு ரயில்வே சேலம் கோட்டத்திற்கு அனுப்பப் பட்டுள்ளது. முதல் வகுப்பு பெட்டியில் 32 பயணிகளும், இரண்டாம் வகுப்பு பெட்டிகளில் 88 பயணிகளும், லக்கேஜ் ரயில்பெட்டியில் 26 பயணிகளும் இந்த ரயிலில் பயணிக்கலாம் என்று தெரிவிக்கப்பட்டுள்ளது.