5 மற்றும் 8 வகுப்பு மாணவர்களுக்கு, பொதுத்தேர்வு ரத்து என அறிவிப்பை வெளியிட்டிருப்பது, வரவேற்க கூடியது என திமுகவைச் சேர்ந்த முன்னாள் அமைச்சர் தங்கம் தென்னரசு தெரிவித்துள்ளார். சென்னையில் செய்தியாளர்களிடம் பேசிய அவர், அமைச்சர் கடைசி நேரத்தில் மனம் திருந்திய மைந்தனாக மாறி இருப்பதாக கூறியுள்ளார். இதேபோல் புதிய கல்விக்கொள்கையையும் நிராகரிக்க வேண்டும் என வலியுறுத்தினார்.