கோவை சூலூர் சட்டமன்ற தொகுதி அதிமுக வேட்பாளர் கந்தசாமிக்கு ஆதரவாக, சூலூர் அருகே முதலமைச்சர் எடப்பாடி பழனிச்சாமி பிரச்சாரம் மேற்கொண்டார். அப்போது பேசிய அவர், நாடாளுமன்ற தேர்தலின் ஈரோடு தொகுதி மதிமுக வேட்பாளர் திமுக சின்னத்தில் போட்டியிட்டுள்ளதாகவும், இதுகுறித்து வைகோ தெளிவுபடுத்த வேண்டும் என்று கூறினார். தமிழகத்தில் கேபிள் டிவி கட்டண உயர்வுக்கு திமுக தலைவரின் குடும்பம் தான் காரணம் என்று குற்றஞ்சாட்டினார். 25 நாட்களில் ஆட்சி மாற்றம் ஏற்படும் என்று திமுக கூறி வருவதாகவும், 25 ஆண்டுகள் ஆனாலும் தி.மு.க.வால் ஆட்சியை பிடிக்க முடியாது என்றும் தெரிவித்தார்.