சேலத்தில் கிரிப்டோ கரன்சி முதலீடு எனக்கூறி 180 கோடி ரூபாய்க்கும் மேல் மோசடி நடைபெற்றுள்ளதாக புகார் எழுந்துள்ளது. மாரமங்கலத்துப்பட்டி பகுதியை சேர்ந்தவர் அனுசுயாதேவி. இவரது குடும்ப நண்பரான ஸ்டாலின் என்பவர் அனுசுயாதேவி மூலம்

அதே பகுதியை சேர்ந்த 14-க்கும் மேற்பட்டோரிடம் கிரிப்டோ கரன்சியில் முதலீடு செய்தால் அதிக லாபம் கிடைக்கும் எனக்கூறி 40 லட்சம் வரை ஏமாற்றியதாக கூறப்படுகிறது. இதுகுறித்து சேலம் காவல் ஆணையரகத்தில் பாதிக்கப்பட்டவர்கள் தொடர்ந்து புகார் அளித்து வரும் நிலையில், மாவட்டம் முழுவதும் 2 ஆயிரத்திற்கும் மேற்பட்டோர் முதலீடு செய்துள்ளதாகவும், மொத்தமாக 180 கோடி வரை மோசடி நடைபெற்றுள்ளதாகவும் அதிர்ச்சித் தகவல் வெளியாகியுள்ளது.