முதல்வரின் கோவை வருகையை ஒட்டி, மேடை அமைப்பு மற்றும் முன்னெச்சரிக்கை நடவடிக்கைகள் தீவிரமாக நடைபெற்று வருகின்றன. வரும் 22ஆம் தேதி கோவை வ.உ.சி. மைதானத்தில் நடைபெறும் நிகழ்ச்சியில், பல்வேறு அரசு நலத்திட்ட உதவிகள் மற்றும் திட்டப் பணிகளை முதலமைச்சர் ஸ்டாலின் தொடங்கி வைக்கிறார். இந்த விழாவுக்காக, பிரமாண்ட மேடை அமைக்கும் பணி வஉசி மைதானத்தில் நடைபெற்று வருகிறது. இந்த விழாவுக்கு பிறகு மாலையில் திருப்பூர் செல்லும் முதலமைச்சர் இரவு மீண்டும் கோவை திரும்புகிறார். அதை தொடர்ந்து, 23ஆம் தேதி கோவையில் நடைபெறும் முதலீட்டாளர்கள் மாநாட்டில் முதலமைச்சர் ஸ்டாலின் கலந்து கொள்கிறார்.