#poojaholidays #kilambakkambusstandnews #tnstc

ஆயுதப் பூஜை தொடர் விடுமுறையை முன்னிட்டு, சென்னையிலிருந்து வெளியூர் செல்ல அமைக்கப்பட்ட தற்காலிக பேருந்து நிலையங்கள் இனி செயல்படாது என அறிவிக்கப்பட்டுள்ளது. வார இறுதி நாட்கள் மற்றும் ஆயுத பூஜையை முன்னிட்டு, சென்னையிலிருந்து வெளியூர் செல்லும் மக்களுக்காக 5 இடங்களில் இருந்து சிறப்பு பேருந்துகள் இயக்கப்பட்டன. கிளாம்பாக்கம், கோயம்பேடு, மாதாவரம் பேருந்து நிலையங்களிலிருந்தும் கிளாம்பாக்கம் கால நிலை பூங்கா அருகே மற்றும் மறைமலைநகரில் தற்காலிக பேருந்து நிலையங்கள் அமைக்கப்பட்டும் பேருந்துகள் இயக்கப்பட்டன. தற்போது வெளியூர் செல்லும் பயணிகள் எண்ணிக்கை குறைந்ததால் தற்காலிகப் பேருந்து நிலையங்களிலிருந்து இயக்கப்பட்ட பேருந்துகள் கிளாம்பாக்கம் பேருந்து நிலையத்தில் இருந்து புறப்படும் என அறிவிக்கப்பட்டுள்ளது. தற்காலிக பேருந்து நிலையத்திலிருந்து இயக்கப்பட்ட திருவண்ணாமலை மார்க்க பேருந்துகள் நடைமேடை 7ல் இருந்தும் கும்பகோணம் மார்க்க பேருந்துகள் நடைமேடை 5லிருந்தும் இயக்கப்பட உள்ளன. பயணிகள் அனைவரும் இந்த மாற்றத்தைக் கருத்தில் கொண்டு தங்களது பயணத்தைத் திட்டமிடுமாறு சென்னை மாநகர போக்குவரத்து கழகம் கேட்டுக்கொண்டுள்ளது.