தண்ணீர் சேமிப்பை வலியுறுத்தி புதுச்சேரியில் திருநங்கைகள், சிறுவர்கள் உட்பட ஆயிரத்தி 753 பேர் ஒரே இடத்தில் ஒயிலாட்டம் ஆடி புதிய கின்னஸ் சாதனை படைத்துள்ளனர். புதுச்சேரி மட்டுமின்றி தமிழகத்தின் பல்வேறு மாவட்டங்களைச் சேர்ந்த ஒயிலாட்ட கலைஞர்கள் இதில் கலந்துகொண்டனர். ஒயிலாட்ட நிகழ்ச்சியில் புதிய உலக சாதனை படைத்ததற்கான சான்றிதழை முதல்வரின் பாராளுமன்ற செயலர் லட்சுமி நாராயணன், புதுச்சேரிக்கான டெல்லி சிறப்பு பிரதிநிதி ஜான்குமார் ஆகியோர் நிகழ்ச்சி ஒருங்கிணைப்பாளர் சூசையிடம் வழங்கி பாராட்டினர்.