பரங்கிமலை ராணுவ அதிகாரிகள் மையத்தில், பயிற்சி நிறைவு விழா நடந்தது. வீரர்கள் குதிரைகளின் மீது சவாரி செய்தபடி, சிலிர்ப்பூட்டும் சாகசங்களை நிகழ்த்தினர். மேஜையில் ஜிம்னாஸ்டிக், தீ வளையத்திற்குள் பாய்வது, மண்ணெண்ணெயை வாயில் வைத்து நெருப்பு ஊதுவது, பிரமிடுகள், வாள் சண்டை, பாராகிளைடிங் என ராணுவ வீரர்கள் நிகழ்த்திய சாகசங்கள் திகைப்பூட்டின. ராணுவ வீரர்கள் வெகுநேர்த்தியாக அரங்கேற்றிய வீர தீர செயல்களை பார்த்து வியப்படைந்த பார்வையாளர்கள், கைகளை தட்டி ஆரவாரம் எழுப்பி உற்சாகம் அடைந்தனர்.