திருப்பத்தூரில் 2-ஆம் வகுப்பு மாணவியின் தொண்டையில் சிக்கிய நாணயங்களை மருத்துவர்கள் அறுவை சிகிச்சை மூலம் அகற்றினர். திருப்பத்தூர் கோட்டை தெருவை சேர்ந்த தில்ஷாத் மகள் நிஸ்பா, ஒன்று மற்றும் 2 ரூபாய் நாணயங்களை வைத்து விளையாடியபோது அதை விழுங்கினார். உடனடியாக பெற்றோர் திருப்பத்தூர் அரசு மருத்துவமனைக்கு சிறுமியை அழைத்துச் சென்றனர். சில்லரை காசு உணவு குழாயில் சிக்கியது எக்ஸ்ரே மூலம் தெரியவந்த நிலையில், அறுவை சிகிச்சை மூலம் மருத்துவர்கள் வெற்றிகரமாக அகற்றினர்.