உலகக் கோப்பை ஹாக்கி தொடரின் காலிறுதி சுற்றில் இந்திய அணி தோல்வியை தழுவியது. புவனேஸ்வர் நகரில் நடைபெற்ற இந்த ஆட்டத்தில் நெதர்லாந்துடன் இந்தியா மோதியது.ஆட்டதின் 12 -வது நிமிடத்தில் இந்திய வீரர் ஆகாஸ்தீப் முதல் கோல் அடிக்க, 15- வது நிமிடத்திலே பதில் கோல் அடித்து நெதர்லாந்து அணி சமன் செய்தது.ஆட்டத்தின் 50- வது நிமடத்தில் கிடைத்த பெனால்டி கார்னர் வாய்ப்பை நெதர்லாந்து கோலாக மாற்றி முன்னிலை பெற்றது.ஆனால் இந்திய அணி 54- வது நிமிடத்தில் கிடைத்த அழகான வாய்ப்பை வீணடித்தது. இதன் மூலம் 2-1 என்ற கோல் கணக்கில் வெற்றி பெற்ற நெதர்லாந்து அரையிறுதிக்கு முன்னேறியது. 43 ஆண்டுக்கு பிறகு அரையிறுதிக்கு முன்னேறும் வாய்ப்பை இந்திய அணி வீணடித்தது ரசிகர்களை ஏமாற்றம் அடைய செய்துள்ளது.