ராஜஸ்தானில் 'பரிவர்தன் யாத்திரை'யை தொடங்கி வைத்து பேசிய அவர்,"இந்தியா கூட்டணி" இந்த நாட்டின் கலாச்சாரத்தையும், சனாதன தர்மத்தையும் அவமதித்து வருகிறார்கள் என்று கூறினார்.

திமுக நிர்வாகிகள் சனாதன தர்மம் ஒழிக்கப்பட வேண்டும் என கூறுவதாகவும், கடந்த சில நாட்களாக சனாதன தர்மத்தை இந்தியா கூட்டணி தலைவர்கள் கையிலெடுத்துள்ளதாக குற்றம்சாட்டினார். இந்து மக்களுக்கு எதிரான எண்ணம் கொண்டவர்கள் சனாதனத்தை அவமதிக்கிறார்கள் என்றும் அமித்ஷா கூறினார். லஷ்கர் இ தொய்பா பயங்கரவாத இயக்கத்தை விட, இந்து அமைப்புகள் மோசமானது என்று ராகுல் பேசுகிறார் என்றும், எதிர்கட்சிகளான "இந்தியா" கூட்டணியினர், இந்துக்களை வெறுப்பதாகவும் அமித்ஷா கூறினார்.