டெல்லியில் பிரதமர் மோடி அளிக்கும் விருந்து நிகழ்ச்சியை கேரள பாஜக பெண் கவுன்சிலர் புறக்கணித்துள்ளார். முன்னதாக இந்த நிகழ்ச்சியில் பங்கேற்பதற்காக திருவனந்தபுரம் பாஜக கவுன்சிலர்கள் ரயிலில் புறப்பட்டனர். ஆனால் அக்கட்சியின் பெண் கவுன்சிலரும், ஓய்வுபெற்ற டிஜிபியுமான ஸ்ரீலேகா இந்நிகழ்ச்சியை புறக்கணித்துள்ளார். உள்ளாட்சித் தேர்தலுக்கு முன் மேயர் பதவி தனக்கு கிடைக்கும் என அவர் எதிர்பார்த்த நிலையில், கடைசி நேரத்தில் ராஜேஷ் என்பவர் மேயராக தேர்ந்தெடுக்கப்பட்டதால், ஸ்ரீலேகா அதிருப்தியடைந்தார். இதனால், அவர் பிரதமரின் விருந்து நிகழ்ச்சியை புறக்கணிப்பதாக கூறப்படுகிறது.