சென்னை - பெரம்பூர் சட்டப்பேரவை தொகுதி இடைத்தேர்தலில் சுயேட்சை வேட்பாளராக போட்டியிடும் மோகன்ராஜ் என்பவர், தமது வேட்புமனுவில், ஒரு லட்சத்து 76 ஆயிரம் கோடி ரூபாய் கையிருப்பு உள்ளதாகவும், கடன் 4 லட்சம் கோடி ரூபாய் என்றும் பதிவு செய்துள்ளார். சுதந்திர போராட்ட தியாகியும், தமிழக ஜனதா கட்சியின் தலை வருமான மறைந்த நெல்லை ஜெபமணியின் மகனான மோகன்ராஜ், "தந்தி டிவி"- க்கு சிறப்பு பேட்டி அளித்தார். வேட்புமனுவில், தவறான தகவலை வெளியிட்டது ஏன் என்ற கேள்விக்கு பதில் அளித்த மோகன்ராஜ், வாக்காளர்களுக்கு பண விநியோகம் செய்யும் அரசியல் கட்சிகளின் அங்கீகாரத்தை ரத்து செய்ய வேண்டும் என தேர்தல் ஆணையத்திற்கு யோசனை தெரிவித்துள்ளார்.