இதுதொடர்பாக திமுக பொதுச்செயலாளர் துரைமுருகன் வெளியிட்டுள்ள அறிக்கையில், வரும்16ந் தேதி சென்னை அண்ணா அறிவாலயத்தில், திமுக தலைவரும், முதலமைச்சருமான ஸ்டாலின் தலைமையில், எம்.பி.க்கள் கூட்டம் நடைபெற உள்ளதாக தெரிவித்துள்ளார். அந்த கூட்டத்தில், மக்களவை, மாநிலங்களவை எம்.பி.க்கள் அனைவரும் தவறாமல் கலந்து கொள்ள வேண்டும் என்றும் அவர் கேட்டுக் கொண்டுள்ளார். வரும் 19ந் தேதி நாடாளுமன்ற மழைக்கால கூட்டத்தொடர் தொடங்க உள்ள நிலையில், இரு அவைகளிலும் எப்படி நடந்து கொள்ள வேண்டும், எந்தெந்த பிரச்சினைகளை எழுப்ப வேண்டும் என்பது உள்ளிட்ட விஷயங்கள் குறித்து இந்த கூட்டத்தில் ஆலோசிக்கப்பட உள்ளதாக கூறப்படுகிறது.