புதுச்சேரியில், மேற்கு வங்க மாநில முதலமைச்சர் மம்தா பானர்ஜியை கண்டித்து, புதுச்சேரி பாஜகவினர் வாயில் கறுப்பு துணி கட்டி போராட்டத்தில் ஈடுபட்டனர். மம்தா பானர்ஜியை கண்டித்து நாடு முழுவதும் பாஜகவினர் போராட்டம் நடத்தி வருகின்றனர். இந்நிலையில் புதுச்சேரி பாஜக சார்பில் தலைமை தபால் நிலையம் முன்பு போராட்டம் நடந்தது. மாநில தலைவர் சுவாமிநாதன் தலைமையில் நடைபெற்ற இந்த போராட்டத்தில், துணைத் தலைவர் செல்வம் மற்றும் நிர்வாகிகள் கலந்து கொண்டனர். போராட்டத்தில் ஈடுபட்டவர்கள் எதிர்ப்பு தெரிவிக்கும் வகையில் வாயில் கறுப்பு துணியை கட்டியிருந்தனர்.